Sawrkar laipuia Home Ministry chuan “Kabir Puraskar” dawng tur a thlang leh dawn a, he Award dawng thei ni a in ngai leh dawng tlak hriat nei chuan May ni 5, 2017 ral hma in Under Secretary, Home Department, Government of Mizoram hnenah a hriattir theih a ni.
Kabir Puraskar lawmman hi kum 1990 atang khan Sawrkar laipui chuan chibing leh sakhuana avanga inngeihlohnate leh innghirnghona tireh tura remna palai hna thawktha bikte hnenah a pe thin a. Award hi chi thumah then niin Category-I in pawisafai Rs. 2,00,000 leh citation, Category-II in Rs. 1,00,000 leh citation, leh Category-III in Rs. 50,000 leh citation an dawng ang a, October ni 2, 2017-ah lawmman dawng tur te hming hi puan a ni ang.
Kabir Puraskar National Award, 2016 chungchanga hriatchian duh neite tan Deputy Secretary, Home Department, Government of Mizoram hnenah Pisa kai chhungin zawhfiah theih a ni a.