565/2022-2023
Dated Serchhip, the 20th May, 2022: Vawiin khan Er. Lalrinawma, Deputy Speaker chuan Govt. Baktawng High School in HSLC Result 2022 a zaa za (100%) an hlawhtlinna lawmnaah khuallian niin a hmanpui a, zirlai naupangte chu kan thil tumte tihlawhtling tura inpumpek a ngaih thin thu a hrilh.
Deputy speaker chuan, result lawmawm tak Baktawng H/S in an nei theih chhan chu zirtirtute leh naupangte inpekna vang a ni a, zirtirtute leh zirlaiten an mawhphurhna theuh an hlen avanga hetiang hun lawmawm hmang thei hi an nih thu a sawi a ni.Taimakna tel lo chuan hlawhtlinna kawng a awm loh thu sawiin, taima tak leh inrintawkna nena ka hmaa awmte beih thin hi a pawimawh hle a ni, a ti. Tin, naupangte chu nu leh pa chawimawi thiam leh an thuawih a pawimawh zia te, rinawmna, taimakna leh ṭawngṭaina te hi mihring nuna hlawhtlinna rahbi pathum a nih thute hrilhin, lo vawng reng turin a chah a ni. Lehkha an la zir zel dawn a, eng hna emaw thawh hunte pawh an la nei dawn a, eng hna pawh thawk se zahpui lo tur leh mahni mihringpuite hlutna hre reng turin zirlai naupangte a chah a ni.
He hunah hian zirlai ten special item hrang hrang entirin, zirlai nu leh pa aiawhte, khawtlang hruaitu aiawhte leh zirtirtuten thu an sawi a. Pu A. Lalthara, LDC, chuan lawmthu sawiin in khawm a khar a ni.
He hunah hian Baktawng NGO hrang hrang aiawh te leh khawtlang hruaitute an tel a ni.
Deputy speaker chuan, result lawmawm tak Baktawng H/S in an nei theih chhan chu zirtirtute leh naupangte inpekna vang a ni a, zirtirtute leh zirlaiten an mawhphurhna theuh an hlen avanga hetiang hun lawmawm hmang thei hi an nih thu a sawi a ni.Taimakna tel lo chuan hlawhtlinna kawng a awm loh thu sawiin, taima tak leh inrintawkna nena ka hmaa awmte beih thin hi a pawimawh hle a ni, a ti. Tin, naupangte chu nu leh pa chawimawi thiam leh an thuawih a pawimawh zia te, rinawmna, taimakna leh ṭawngṭaina te hi mihring nuna hlawhtlinna rahbi pathum a nih thute hrilhin, lo vawng reng turin a chah a ni. Lehkha an la zir zel dawn a, eng hna emaw thawh hunte pawh an la nei dawn a, eng hna pawh thawk se zahpui lo tur leh mahni mihringpuite hlutna hre reng turin zirlai naupangte a chah a ni.
He hunah hian zirlai ten special item hrang hrang entirin, zirlai nu leh pa aiawhte, khawtlang hruaitu aiawhte leh zirtirtuten thu an sawi a. Pu A. Lalthara, LDC, chuan lawmthu sawiin in khawm a khar a ni.
He hunah hian Baktawng NGO hrang hrang aiawh te leh khawtlang hruaitute an tel a ni.
Attachment
- Loading attachment...
