No.273/2021-2022

Ngopa the 26th April, 2021: Vawiin khan S.D.O (Civil) Ngopa huamchhunga khaw hrang hrang Village Council aiawh te leh Tuiphai Group YMA , Sialkal Group YMA leh Mawmrang Group YMA aiawh kalkhawm te chuan he bial chhunga kangmei chhuak thin leh vawk natna leng mek laka him dan tur kawng hrang hrang an rel. He inhmuhkhawmna hi Ngopa S.D.O (Civil) Pu Vanlaltanpuia hovin Ngopa BNRGSK Building, Ngopaah neih a ni. 

He thutkhawmnaah hian kangmei leh vawk natna laka Ngopa Civil Sub-division huam chhung khaw hrang hrang te an himna tur thil pawimawh tak tak rel ho a ni a, an thurel zinga  langsar zual te chu:-

1) Khaw tinah hun remchang hmasa berah vantlang inkhawm koha, kangmei tichhuak lo tura inzirtirna beihpui thlak 

2) Fur ruahtui tlak hma chuan khaw tin Information Mike-ah nitin vawi-2 (zing leh tlai)  ah mipuite fimkhurna tur puanga au thin 

3) Ramvak mite hi ram tikangtu an nih fo avangin, ramvak an awm leh awm loh uluk taka vil a, khap, leh

4) Kum 2022 kum tir atanga tan turin Fire Prevention Campaign, bial chhung khaw hrang hrang leh Kohhran hrang hrangah neih te a ni.  Village Council te bawhzui tura dah a ni. 

He hunah hian tui hna tihpun dan tur te, ramngaw humhalh pawimawh zia te, fur ruahtui hman tangkai dan hrang hrang leh Ngopa RD Block hnuaia MGNREGS hmalakna tur - "Catch the rain campaign" chungchang inhrilhhriatna te neih a ni a. He hunah hian tunlaia Mizoram min tibuaitu, vawk natna leh vawk thihna chungchang inzirtirna hun, Dr. Lalnunpuii Zadeng, Veterinary Officer Ngopa in hmangin, tuihna humhalh a tulzia leh pawimawhna chungchangah P.H.E Department Ngopa ten zirtirna an pe bawk.