Nizan dar 6 : 00 bawr vela, Tuipang ‘V’ Bus Station bul hnaia kangmei rapthlak tak chhuak vangin In pali a kangral. He kangmei chhuah chhan hi chiang taka hriat nilo mahse Pu N. Zosangzuala, Petrol zuartu inluah atanga intan ni a hriat a ni. He kangmei chhuakah hian Pu N.Thacho In luahtute Pi AB Dawdi (dawr kai) inluah chu kangralin bungrua Rs 12,50,000/- man hu a kangral a, Pi Tlangmawii (dawr kai) in luah pawh kangralin bungrua Rs 10,00,000/-man hu a kan ral bakah Pu N.Zosangzuala (dawr kai) in luah pawh kangin bungrua Rs 10,00,000/- man hu a kangral bawk ani.

He kangmei chhuakah hian Pu S.Lalremthanga In Pu T.Laldinga (dawr kai) luah lai pawh kang ralin bungrua Rs 12,80,000/-man hu a kang ral vek bawk a, Pu F.Vanlalliana In Pu Kaplianthanga luah lai pawh he kangmeiah hian kang ralin bungrua Rs 15,80,000/- man hu a kang ral bawk a, Pu Huapho In pawh he kangmeiah hian kang ralin bungrua Rs 12,00,000/- man hu a kangral bawk ani. Heng In kangte hi Assam Type In vek ani a, thawmhnaw dawr 2 leh eichawp dawr 3 an tel a ni.

Khawtlang mipuite leh tlawmngai pawl hrang hrangten theih tawp chhuaha kangmei chhuak hi an thelh hnu-ah nizan dar 7 : 30 Pm vel khan kangmei hi indang kang kai lova thelh mih ani thei ta a ni. Kangmei tuar te tanpuina mi chi hrang hrang hnena atanga lutkhawm tun thlenga hriat theih chin chu cheng nuai hnih chuang a tling tawh a ni.