NLUP Chief Media Officer Pu David L.Thangliana hovin Media miten Chakma Autonomous District Council chhunga NLUP dawngtute hnathawh dan an enfiah a. A tlangpui thuin beneficiaries-te hian hna an thawh that bakah NLUP an dawn avanga an chhungkaw dinhmun a lo that dante sawiin sorkar hnenah lawmthu an sawi. Media mite hian vawk vulhtu te, ar vulhtu te, leilet neitu te, sangha dil neitute chu anmahni hmunhma ngeiah tlawhin an hnathawh dan an enfiah; NLUP dawngtu thenkhat phei chuan an pawisa dawn tawh aia tam an thawkchhuak tawh tih an sawi.

MADC chhungah hian NLUP dawngtu hi 1st Phase-ah hian chhungkaw 2694 an awm a, 2nd Phase-ah hian chhungkaw 1750 an awm bawk.

Media mite hi CADC CEM Pu Kali Kumar Tonchongya chuan lo tawiawmin beneficiaries-te an tlawhnaah pawh a kalpui a, CADC-in sorkar hnuaia hmasawnna hna hrang hrang a thawhte a hmunah tlawhin an enkual bawk. Fisheries Department-in Chawngte-a Fisheries beneficiaries-te hnenah tanpuina last instalment an pe bawk.

Chawngte NLUP hmalakna tlawhnaah hian Pu H.Laldinmawia, Editor-in-Chief, Zozam Times leh Pu Sangzuala Hmar, Editor, Lunglen ten an tawiawm a ni.