Vawiin chawhnu dar 1:00 khan Leisekawt Field Serchhipah kangmei a chhuah thulha inven dan tur leh hmanraw hman dan zirlai naupangte zirtirna hun hman a ni.

Pu PC Vanlalluna, Dy. DPC, RMSA chuan thu sawiin, khuarel chhiatna laka inven dan tur inzirtirna hun buatsaih ani thin chu lawmawm a tih thu a sawi a. Mithiamten hmalak dan tur min zirtirte hi rilrua vawn ngheh tlat tum ila, midangte pawh I hrilh chhawng ve zel ang u,  tiin zirlai naupangte a fuih a ni.

Pu Lalbiaksanga, Sub-Station Officer, Fire & Emergency Services, Serchhip chuan kangmei chhuak thei laka inven dan te, a lo thlen palha hmalak dan turte a zirtir a. Serchhip Fire Department thawktuten kangmei thelh dan tur leh hmanraw hrang hrang hman dan te a takin an entir a ni.

He hun hi Pu Ngurthansanga, SDC, Nodal Officer, DM&R Serchhip chuan a kaihruaia, ani pawh hian kangmei vanga kan ramin a hloh nasat thin dan te, fimkhur reng a tul thu leh vanduaina a lo thlen palha kangthelhtute dipdal lo zawnga mipuite kan lo awm a tul dan te a sawi a ni.

He hunah hian Serchhip khaw chhunga High School hrang hranga zirlaite leh an zirtirtute an kalkhawm a ni.