Vawiin chawhnu khan 2BN MAP Recreation Hall, Lunglei ah Kar khat awh 1st Batch Intensive Training On Maintanance Of Law & Order, Riot Drill and Crowd Control kharna neih a ni. He hun hi Pu Joseph Lalchhuana, IPS, DIG (Southern Range) in a hmanpui.

Pu Joseph Lalchhuana chuan fuihna thu sawi in Police te hi Dan kengkawhtu kan ni a, Dan bawhchhe tute kan thunun a ngai a ni a ti. Training reng reng ah hian thiamna thar puakchhuah rual in rilru hi a pawimawh a, Training neih hnu pawh a training hma a i rilru ngai ang i la pu reng anih chuan i thil training hi a hlawhtling lo tihna ani a ti. Dan leh Thupek kenkawhna lam ah thian ten kut an tuar a, a sir a engmah ti lova awm mai mai an awm thin avangin Mizoram Police te hi intuaithar kan ngai ani.Police nihna ah hian kan rinawm tur ani a, inpekzawhna leh rilru thar kan put a ngai ani ati. Tha tak a kan hna kan thawh chuan Mipui pungkhawm kan venghim thei ang. Dan kan lam ah a tang a, kan inhlawm that chuan huphurhawm a awm lo a ni a ti. Police te hi intuaithar reng kan ngai a, zelthel leh inthlahdah a thiang lova, chuvangin hetiang training hi buatsaih ani tiin, thinlung thar leh inpekna thar nen a mahni hna thawk theuh turin training a kal te a chah a ni.

Pu Zosangliana, MPS Superintendent Of Police pawhin thu sawi in Pu Joseph Lalchhuana, IPS, DIG(SR) inpekna ropuitak hmuh theih a awm hi a lawmawm a, Tun hnai a Lunglei leh Siaha a thil thleng avang hian Police te tan Crowd Control a ngaih zia a hriat a, Crowd Control leh thildang kan la hmachhawn anga, Police chuan kan uniform hian tihtheih a nei ani tih kan hriat a, a tul dan ang zel a hmang thiam tura chah in Training hi hlawkpui a midangte training pe thei khawp a thiam turin trainees te a chah a ni. Pu J Rokima, MPS, Course Co-Ordinator in intensive training dan leh buatsaih dante a tarlang bawk.

Lunglei a thilthleng chungchang a Police hnathawk tha pasarih(7) B.Laldingngheta MPS, SDPO. F.Vanlalrochana, MPS, DSP (Probationary) Inspector Zatlunga, OC Lunglei PS. Constable Vanrochama, Lunglei PS. H.Lalramhluna, Lunglei PS. P.Lalchamliana, RO. LP Lalrammawia, Lunglei PS. te hnen ah DIG Police Commendation Certificate a hlan. Tun hnai ah Siaha a tualthhattu zawn chhuah na kawng a thawk tha te hnen ah Police Commendation certificate hlanna a nei bawk.

He Intensive Training ah hian Trainees 92 an awm a, 2ND MAP atangin mi 51 Lunglei DEF atangin 37 Lawngtlai DEF atang in 2 leh Siaha DEF atangin 2 an tel a ni. Pu J.Lalmuankima, Addl SP in lawmthu sawiin training hi khar a ni a, ni 24, October 2016 atangin 2nd Batch Training neih chhunzawm leh tur a ni.

Attachment

  • Loading attachment...