Kawlkulh Primary Health Centre (PHC) hnuaia Join VC, NGO hruaitu, Hotel leh Restaurant neitute Kawlkulh Centenery Hall-a inhmukhawm chuan nimin March Ni 16, 2020 khan Block Level Task Force on Covid-19 an din.

He hun Pu R.Rinthanga, VCP Kawlkulh kaihhruaiah hian Dr. Malsawmtluanga, Medical Officer, Kawlkulh PHC chuan Kawlkulh khua chu zin veivak tamna hmun anih thu leh nitin khualzin phur Lirthei 200 vel lutchhuak an awm reng thu a sawi a. Natna inkaidarh tur laka invenlawkna turin khualzin veivak lakah inven fimkhur a ngaih zia thu sawiin, hruaitu kalkhawm leh khawtlang mipuite chu chi ai mai lova sawrkar thuchhuakte ngaichang zel turin a chah a ni.

Block Level Task Force on Covid-19 chuan Kawlkulh leh a chhehvela ramdang mi sumdawng inzuar kual thinte chu hrilen hunbi chuan awm rih lo se tih an rel a. State pawn lam atanga rawn haw reng rengte chu Kawlkulh PHC-ah in Checkup vek tur leh a tul anih chuan mahni inlama pawn lam mite nena inawmpawlh rih lova Home quarantine turin a ngen a ni. He thupek hi khawtlang leh Kohhran-ah inhriattir nise tih a ni bawk a. Mipuite chu thuleh awmhma chuan Block Level Task Force on Covid-19 thurelte zawm turin a ngen bawk a ni.

He meeting-ah hian khawtlang hruaitute an tel kim hle a ni.