NH44A kawng laihin kawng awmsa a tihchhiat te thuamthat dan tur sawiho in Mamit DC Conference Hall-ah vawiin khan Pu Vanlalngaihsaka, District Bawrhsap hovin Mamit district chhunga sorkar mi pawimawhte, PWD (Highway) hotute, Gayatri Company aiawhte leh NGO hrang hrang te an thukhawm.““Kawng chungchang ngaihtuaha vawiin a thukhawm ah hian Mamit District chhunga kawngpui sialhna thawh mekin kawng awmsa hmun thenkhata a tihchhiat avanga district chhunga mipuite harsatna a siam te, YMA General Conference October 22-24 a neih tura district chhunga YMA hrang hrang ten an chhim ve theihnana kawng thuam that, leh All NGO Co-ordination Committee in kawng dan an tum chungchangte sawi ho a ni.

PWD (Highway), Gayatri Company leh khawtlang mipuite tangruala kawng thawmthat hna thawh theih dan tur te sawi ho a ni.““Vawiin Meetingah hian PWD (Highway) C.E Pu John Rammawia, S.E. Pu B. Lalawmpuia leh E.E Pu H.Zoramliana te telin, Gayatri Project Ltd. atangin Obaia Naidu, Project Manager leh a hote an tel a. All NGO Co-Ordination Committee hruaitute an tel bawk.