40/2025-2026

Saitual, the 3rd April, 2025: NH-06 Rulchawm atanga NH-102B Tuivawl lui kalpawhna tur kawng Dhariwal Buildtech Ltd. ten an laih mek chu tunhnaiah lirthei hmanga kaltlang an awm thin tih hriat a ni a. Hemi avang hian kawng siamtu contractor-ten harsatna lian tak an tawk thin a, an kawng siam mek rah chhiat a nih thin mai bakah kawng laih laia chhiatna (accident) thleng thei a nih avangin thupek chhuah a tul a.

Chuvangin, Dr. Lalngura Tlau, District Magistrate, Saitual District chuan Section-163 of Bharatiya Nyaya Suraksha Sanhita (BNSS), 2023 in thuneihna a pek angin a hnuaia thupek hi a chhuah: 

"NH06 Rulchawm - NH102B Tuivawl lui kalpawhna tur kawng siam mek hi mi tumahin lirthei hmangin a kaltlang tur a ni lo." He thupek bawhchhia chu Section-223 Bharatiya Nyaya Sanhita (BNS), 2023 hmangin hremna pek an ni ang. He thupek hian vawiin ni 03.04.2025 atanga thla hnih (2) chhung a huam ang.