Kolasib Officers' Club (KOC) buatsaihin vawiin khan Awithangpa Hall, Kawnpui ah Career Guidance neih a ni a, bialtu MLA Pu Hmingdailova Khiangte, Parliamentary Secretary in a hmanpui.

Pu Hmingdailova Khiangte chuan Kolasib Officers' Club ten zirlai te hmakhua ngaia, thahnemngaia mahni insengsoa career guidance hun an buatsaih chu lawmawm a tih thu a sawi a. Ruihhlo leh mipat hmeichhiatna hmansual lakah zirlai kalkhawmte fimkhur turin a chah a, puitling turin insumtheihna angai tih hre thar turin a fuih a. Mahni kutkea ding thei ngei turin zirna lamah emaw thiamthil te tuaihriam zel turin a chah a ni.

Vawiin Career Guidance programme ah hian Kawnpui a High School leh Higher Secondary School zirlai te, Zirtirtute, zirlai nu leh pate bakah khawtlang hruaitute an tel a ni. Pu ST Lalhmingmawia, DLAO & Asst.Secy KOC in hun hi a kaihruai a,  KOC member; Dr.Lungmuana Singson, Scientist ICAR; Pu Stephen Auhmun, APO DRDA leh Pi Sylvie Z.Ralte, CJM Kolasib ten naupangte zirtirna pein, Pu Lalthlamuana, DHO leh Pu JR Lalhruaitluanga, DPC SSA ten zirna kawng an zawhchhoh dan naupang fuihphurh nan an sawi bawk.