Mizoram Sawrkar in School naupang Class V atanga Class VIII inkar te zuk leh hmuam leh Ruihhlo laka an fihlim theih nana Project a kalpui mek Project  HIMNA-MADAT  chu vawiin khan Kawnpui Awithangpa Hall-ah Pi Lalhruaitluangi SDO(C) Kawnpui hovin zirhona buatsaih a ni a. Pu ZT Vawra Hmar Consultant NTCP chuan zirtirna a pe a. Zirtirtu te; Head of Office leh NGO hruaitute an tel.

Kawnpui SDO (Civil) Pi Lalhruaitluangi, MCS chuan  Zirtirtu te; Head of Office leh NGO hruaitute hnenah State sawrkar in HIMNA MADAT a kalpui dan a sawifiah a; kum 2017 June thla-a Aizawl School 50 atanga zirchianna neih chuan zuk leh hmuam laka Pawl VIII hnuai lama fihlim theihna tur kawng a zawng nghal a; tunah hian State sawrkar chuan Zirlai naupang te fihlimna tur hian nasa takin a kalpui ta a ni a ti a. Aizawl khawpui chhunga Zirna School 50 thlan bik atanga zirchianna neih ah Pawl VIII chin hnuai lam 20.4% chuan Meizial zuk ruk an lo ching tawh a; 7.1% ten Zu in ruk an ching tawh tih hriat a ni a; Heng mite zinga 85.8% chu chhungkua-a zuk leh hmuam ti thin awmna a ni a; thiante tih vanga te ve 53% lai an awm bawk niin zirchianna chuan a sawi a. Naupang zuk leh hmuam ti ru mek te zingah Chhungkaw kehchhia leh dinhmun harsa bik an tam a; Private School aiin Sawrkar School zirlai zingah an tam bawk a ti. 

Pi Lalhruaitluangi chuan Zirlaite Hero chu an Zirtirtute an ni a, naupangte nun kaihruaitu leh nun kawng dik kawhhmuhtu pawimawh tak an ni tiin Ruihhlo Do pawimawhna hrang hrang a sawi a, Ruihhlo do tur hian hun bik leh tha bik a awm lova. Khawtlang kan tanrual a ngai a ni a ti.

Vawiin-a zirhona neih zawh hian School naupang ten Zuk leh hmuam laka fihlim turin thutiam an la nghal a ni.