India Republic Day vawi 69 na chu tukin zing dar 7:00 khan Kawnpui Awithangpa Hall tualzawl ah hman a ni a. Pu Gaston Vanlalhriatpuia SDO(C) Kawnpui chuan Hnam Puanzar pawtparh in 1st IR Bn Mualvum in Rashtryia Salute an pek chu a chhang let a ni.

Pu Gaston Vanlalhriatpuia SDO(C) chuan ‘India Danpui chuan mipui Rorelna a ngai pawimawh a; Preamble ah pawh Republic tih thumal hi dah tel a ni a. Lal te rorelna chu Republic kan nih hnuah tih danglam a ni ta a; vawiin thleng hian Danpui hnuaiah khua leh tui ten Zalenna hriatreng tlak kan nei ta a ni’ a ti a. ‘Mizoram sawrkarin NLUP leh NEDP hmanga hmasawnna hna a thawh chu a hlawhtlinna kan hmu zel a; eizawnna nghet kan siam theih nan chhungkaw tam takin a tangkaipui mek a ni’ a ti bawk.

Vawiina Republic Day lawmna ah hian St Thomas School ten National Anthem an sa a. Pu K Lalhmachhuana Chairman Kawnpui Sub Division Village Council Association President in lawmthu sawiin hun a khar a ni.