No.4121/2020-2021

Vawiin chawhma dar 10:00 khan India Independence Day lawmna chu SDO(C) Office, Kawnpui tualah sawm bik ten an hmang a. Pi TT Beikhaiji SDO(C) Kawnpui chuan hnam puanzar pawt parh in zahna chibai bukna hun a hmang a ni.

Khuallian Pi TT Beikhaiji SDO(C) chuan,” Midang zalenna rap bet si lova mipui zalenna tha tak neih theih nana hma hruaitu Mahatma Gandhi leh midang sulhnu chu vawiin thleng hian kan hrereng a. Kum 1919 April ni 13-a Jallianwala Bagh hmun a hriamhrei kenglo mipui pungkhawm 379 meuh kahhlum te, Baghat Singh an khai hlum tak te kha vawiin thangthar te tana zalenna min thlen sak tu zing ami an ni a, anni ang a tun hun a zalenna kan neih theihna tur a hrehawm tuar a, an nunna hial hlantute hi kan hrerengin, zahna kan lantir thin hi a pawimawh hle a ni ,” a ti a. “Kumpinu Sawrkar hunlai khan khua leh tui nihna chanzo tam tak te chu rah beh sak thin kan ni a, ram tan a zalenna sual a hun khirhkhan tak tak hmachhawntute leh nunna hial hlantute avangin vawiin ah chuan zalenna tluantling kan nei ta a ni,” a ti.

Kawnpui Sub Division chhung Department thenkhat te hnathawh sawi langin, 1st IR Bn Mualvum in Covid -19 dona kawnga Mizoram him nan ramri-a duty an neih te, Police lamin inchimralna venga ILP endik hna an neih dan thin te, Zu leh Ruihhlo dona kawng a an thawhna te, Mobile and Foot Patroling an neih dan te tarlan niin Kawnpui Sub-Division huam chhung a Agriculture Department hnuaia Vaimim ei chhetu Fall Army Worm dona kawng a hmalak a nih dan te tarlan a ni bawk.