No.2537/2021-2022
Aizawl 8th October, 2021 : Vawiin khan Kawrthah khua-ah Pradhan Mantri Vandhan Yojona (PMVDY) hnuaiah Vandhan Vikas Kendra (VDVK) Level Advocacy Programme, Entrepreneurship and Skill Development Programme Training neih a ni a. Pu Lalthangfala, District Cooperative Officer, Mamit chuan khuallian niin a hawng.

Khuallian chuan Kawrthah khua VDVK Center-ah Mizo Hmeichhiate tan puan thuina training center hawn a nih thu leh puanthui khawl Pradhan Mantri Van Dhan Yojona ( PMVDY) hnuaiah sem a nih dawn thu a sawi a. Puanthui training tute chu taima tak leh eizawnna tlaka training turin a chah a ni.

Vawiin hian hmeichhia, puanthui lama tuimi 300 te hnenah Covid Appropriate Behaviour zawm chungin batch khatah mi 40 zelin he awareness programme hi hman a ni.