742/2025-2026
Dated : Mamit the 5th of June 2025 : Vawiin khan Kawrthah Forest Division leh Halliday's English Medium School, Kawrthah tangkawp chuan World Environment Day 2025 pualin "Beating Plastic Pollution" tih chungchang puanchhuahna Awareness Rally an huaihawt a, Pu Karthikeyan V, IFS Divisional Forest Officer, Kawrthah chu Khual lian niin a hmanpui.
Khual lian chuan zirlai naupangte chu kan hma hun lo awm zel tur atana chhawrtlak leh thianghlim chenna khawvel kan neih zel theihna'nan hmahruaitu leh khawtlang nu leh pa te zirtirtu zawk ni zawk turin a fuih a. Tin, World Environment Day 2025 hi bul kan tanna tak tak tur leh zirlai naupang an nih anga plastic bawlhhlawh beih letna kawnga an tih ve theih te tih thar nana hmang turin a chah a ni.
Pu Andrew Lalthlamuana, Assistant Conservator of Forest Range Officers pawhin zirlaite fuihna thu a sawi bawk.
Awareness Rally hi Rosailuti Chawlhbuk atanga km hnih (2) kawngzawh niin, Halliday's English Medium School-ah tawpna siam a ni. Rally-ah hian zirlai naupangte chu lemziak leh thildang hmangin kan chenna boruak chhanhim a ngaih tawh dan Ieh plastic hmang tlem tura zirtirna awmze nei tak tak buatsaih a ni a. Zirlai naupangte chuan a plastic hman ti tlem tur leh midang hrilhhre tura intiam tharna an nei bawk a ni.
