743/2025-2026

Khawzawl, dated 5th June 2025: Vawiin khan UD&PA bultumin Govt. Hermon Middle Sikul leh MUP Tuikhurah World Environment Day lawmna hun hman a ni a, AMRUT Mitra hnuaia Women for Trees campaign (Ek Ped Maa ke Naam) hawnna hun hman a ni bawk. Khawzawl Joint VC Chairman Pu C. Pazawna chu khuallian a ni.

He hun hi Sanitation Inspector Pu B. Lalhmangaihtluanga'n a kaihruai a, kalkhawmte lawmna thu a sawi bawk. Khuallian Pu C. Pazawna chuan thu a sawi a, ramngaw humhalh pawimawh zia leh thing phun hi kan ram tana hmasawnna leh changkanna a nih zia te a sawi a, Ek Ped Maa ke Naam a hawng nghal bawk a ni. Khuallian chuan thing a phun nghal a, ani bakah hian mi sawm Self Help Group member te, sikul zirtirtute leh naupang te'n an phun nghal bawk a ni.

Women for Trees’ campaign-in a tum ber chu hmeichhe Self Help Group (SHG)-te kaihhruaina hnuaiah thing, a tam thei ang ber, phun a ni. Thing phun hun hi 5th June - 31st August, 2025 chhunga neih tum a ni a, Khawzawlah chuan 5th June (Hermon Middle School Bik) leh 11th June hian SHG member ten hmun hrang hrangah thingphun hnatlang an nei ang.