Superintendent of Police, Aizawl District chuan Keifang leh Champhai inkar kawng a Lirthei lianchi intlan chhawk dan tur chungchangah, a hnuaia mi ang hian thupek a chhuah thar a. Hei hi Office of the Superintendent of Police, Aizawl District, Notification No. E/RO/107/2019/1197 Dt. 30.08.2019 chhunzawmna leh Government of Mizoram Notification No. B. 12021/10/04-TRP Dt. 25.09.2019 leh Motor Vehicle Act, 1988 (Act 59 of 1988) Section 115 in Aizawl SP thuneihna a pek anga, mipui himna atan leh harsatna sutkianna atana ruahmanna a ni a. He kawngpuia Lirthei khalhtute zawng zawng te chu he inkalchhawk dan ruahmanna hi zawm vek tura hriattir an ni.
Keifang leh Champhai inkar kawng a motor lian intlan chhawk dan kalpui mek chu Dt. l5t October, 2019 atanga 31st October, 2019 thleng hman chhunzawm leh tur a ni a, 407 Truck chin leh a aia lian zawng zawng tan One Way in a hnuaia atarlan ang hian intlanchhawk zel tur a ni ang.
1. Tahrik Ni inkawpkimlo (Odd days) ah Aizawl atanga Champhai pan tur lirthei (a chunga tarlan ang) kal ni atan zan dar 12:00 atanga atuk zan dar 12:00 thleng kawngpui zuah a ni ang.
2. Tahrik Ni inkawpkim (Even days) ah Champhai atanga Aizawl pan tur lirthei (a chunga tarlan ang) tan, zan dar 12:00 atanga atuk zan dar 12:00 thleng kawngpui hawn a ni ang.
Motor intlanchhawk laia kawng laka harsatna a awm loh nan, Aizawl lam atanga motor chhuak turte reng reng chuan Champhai lam atanga motor lo chhuk te nang buailo turin mahni tlan hun dik taka tlan fel hman thei turin in siamrem tum vek tur a ni. Rokhawlhna avanga, hun bituk chhung a Khankawn an paltlang hmanlo a nih chuan, kawngsir remchang laiah, an chhoh leh hun tur nghakin, motor dang kalna tibuailo turin, an ding tur a ni ang. He thupek hian emergency thil a motor tlan, Law and Order, Security duty leh passenger phur bus-te a huam lo ang.
He thuchhuah chungchanga harsatna tawk emaw, report duh neite chuan heng number ah te hian Police te biak pawh theih a ni ang. Saitual PS - 8257006442, O/C Saitual PS -9856090789, Champhai PS - 8974924728, Khankawn Police Check Gate - 8730817932, Khawzawl O/C - 8575564420.
