Vawiin hian Keitum khuaah AH & Vety Department Serchhip leh North East Initiative Development Agency ( NEIDA) te hmalakna in ran vulhtu te tan Awareness Campaign cum Animal Health Camp neih a ni.

He hunah hian Dr. Rosangzuala, Veterinary Officer, N. Vanlaiphai te chuan ran vulhtu kalkhawmte hnenah ran enkawl dan leh ran natna hrang hrangte zirtirna a pe a, a bik takin PRRS chungchang sawi hona an nei a ni. Dr. James Lalthansanga, Programme Officer, NEIDA leh Dr. Nancy Laldinpuii, Senior Project Associate, NEIDA ten ran chaw chungchang leh Vawk vulh dan tha chungchang an zirtir bawk.

Hemi hnu hian Animal Health Camp neih chhunzawm a ni a, ran 150 chuang zet entir niin, Ui 30 chu ui-a hri danna ARV-a chiu an ni a, ran damlo 15 zai niin, ran damdawi chi hrang hrang a thlawnin an sem nghal a ni. He hun hi Dr. Lalnghinglova, District AH & Vety Officer, Serchhip chuan kaihruaiin kan rama ran vulhtuten him dam tak leh hlawk taka ran an vulh theih nan theihtawpin kan tanpui thin dawn ani, a ti.

Keituma Animal Health Camp cum Awareness Campaign hi mipuiten an hlut hle a ni.