No.1786/2020-2021

Disaster Management & Rehabilitation Department chuan Face mask/hmai tuamna vuah chungchangah a hnuai ami ang hian thupek an chhuah :

"The Mizoram (Containment and Prevention of COVID-19) Ordinance 2020' hnuaia Section 4(1) ah chuan puipunna leh vantlang hmuna hmai tuamna (face mask) vuah loh chu dan bawhchhiatna a ni a, a bawhchhetu chu Section 5(1) hnuaiah Rs. 100 (cheng za) chawitir theih ani tih tarlan a ni.

Mizoram Sawrkar Order No.B 13021/101/2020-DMR/PI-III dated 31.05.2020 leh a ken tel, "Standard Operating Procedure for Social Distancing" leh "Commercial Passenger Lirtheite Zawm tur Kaihhruaina Thupek" ah te leh Sawrkar thupek hrang hrangah te pawh damdawiina kal turte, vantlang puipunna leh mipui zinga chhuak tur te reng reng chuan face mask emaw hmanraw dang hmangin an hmai an tuam ngei tur tih a ni.

A chunga tarlan thupek leh inkaihhruaina zawng zawngte bakah hian Sawrkarin COVID-19 hripui leng mek laka mipuite kan him tlan zawk na'n inkaihhruaina engemaw zat a chhuah tawh bawk a ni.

'Face mask' leh 'hmai tuamna' tih hian khabe hnuai leh hmui-hmai khuh lova tuamna bah satliah hi hmai tuamah a pawm lo tih sawifiah a tula hriat a ni a. Hetianga duhdah taka hmai tuam silova hmaituamna (face mask) khabe hnuaia awrh/bah ringawt chu hmai tuam lova ngaih an ni ang a, a chunga tarlan dan leh thupek zawm lova ngaih an ni ang.