World Environment Day 2014 denchhenin ASEP General Headquarters, Aizawl chuan Environment & Forests Department bultumin June ni 4, 2014 khan Khanpui khuaah Environment Awareness Campaign an nei. Campaign hi Khanpui High School-ah neih a ni a, Zirtirtu leh zirlai 70 zet bakah khaw chhunga mi thahnemngai thenkhatte an tel bawk.

Function hi ASEP President K. Lalmuansanga’n a kaihruai a, Campaign neih chhan leh World Environment Day lo irhchhuah chhoh dan tlangpuite a sawifiah a. School zirlai naupangte chu nakin lawka kan ram hmelhmang lanna tur pawimawh berte an nih avangin environment veina leh humhalhna thinlung pu turin a fuih. ASEP Vice President Hmingthansanga leh Sr. Vice President HC Thawnga ten fuihna thu tha tak tak an sawi bawk.

Campaign neih zawh veleh hian Khanpui High School lamin an lo ruahman lawk tawh angin School compound-ah evergreen tree thingphun hnatlang neih zui nghal a ni.

Attachment

  • Loading attachment...