Public Works Department chuan Khanpui-Tualbung Road siam dan chungchangah a hnuai ami ang hian mipui hriat turin thu a chhuah:
Khanpui-Tualbung Road hi NLCPR Scheme niin 4,h July, 2011 khan Ministry of DoNER in Rs.197.21 lakhs a sanction a. 25th May, 2012 khan Pu C.Lalhluna, Ramhlun hnenah Rs.165.238 lakhs a hna hi pek a ni.
Khanpui-Tualbung Road hian Lailak khua a kaltlang a. Khanpui-Lailak hi 2 kms, Lailak-Tualbung hi 16.70 kms niin, tuna kawng siam mek "Khanpui to Tualbung Road, Phase-I” hian Khanpui-Lailak, 2 kms leh Lailak-Tualbung, 5 kms (out of 16.70 kms) a huam a, he Road Project pumpui seizawng chu 7 kms a ni.
Khanpui-Tualbung Road hi PWD Schedule of Rate 2008 a DPR estimate siam niin Ministry of DoNER hian 2011 ah sanction a pek chhuah anih avangin thil man to (price escalation) a sang hle a. Hetih rual hian Khanpui-Lailak (2 kms) hi Scheme dang PMGSY Scheme atanga kawnglaih hi lo thawh tawh a ni a, culvert-te leh retaining wall-te erawh chu la thawh loh a ni. Chutichuan, Khanpui-Lailak inkar culvert-te leh retaining wall leh Lailak-Tualbung (5 kms) kawng laih, side drain, culvert leh retaining wall siam chu PWD Schedule of Rates 2010 hmangin Estimate hi siam that a ni. Hemi hmang hian 13.12.2011 khan State Sawrkarin Rs.197.21 lakhs in Administrative approval a pe ta a ni.
Tunah hian contractor hian a hnathawh tur chin agreement-ah a hnuai tarlan te hi a thawk zo tawh a ni:-
|
Sl. |
ITEM |
PHYSICAL |
ACHIEVEMENT |
|
No. |
|
TARGET |
UPTO31/7/2016 |
|
1 |
Formation cutting and side drain |
5.00 kms |
5.00 kms (100%) |
|
2 |
Hume Pipe Culverts |
12 Nos. |
12 Nos. (100%) |
|
3 |
RCC Slab Culverts |
7 Nos. |
4 Nos. |
|
4 |
Retaining Walls |
30 m |
30 m (100%) |
He hna hi Phase-I chauh a la nih avangin pavement hi a la tello a, contractor in a thawh zawh tawh zingah hian retaining wall leh Hume pipe culvert thenkhatte hi duhthusamin a that loh deuh avangin siam thattir leh a ni. He hna pumpui thawh zawh hun tur a ruahman (Revised target date) chu 31.3.2017 a ni.
He project hi 90% DoNER, 10% State Govt. Fund atanga thawh a ni a. Vawiin thlenga fund hmuh tawh chu Rs.138.12 lakhs (70.04% of total sanction cost) niin, DoNER atangin Rs. 124.31 lakhs leh State Sawrkar atangin Rs. 13.81 lakhs a ni a, 3rd Installment thlenga hmuh tawh a ni.
NLCPR hnuaia hnathawhte hi Central lam atang a pawisa pekchhuah (Fund Release) a muan thin em avangin Khanpui-Tualbung kawng siam project pawh hi tun thlengin zawh hleihtheih a nilo a ni.
