2827/2025-2026

Kolasib, Dated 8th January, 2026: Kolasib District chhungah khawlaia ui chhuaka tam thu leh, ui seh an awm fo avangin mipui te kan lo him tlan zawkna turin khapna thupek Pu H.Lalramliana, Sub-Divisional Magistrate, Kolasib Sadar Sub-Division chuan Section 163 of BNSS, 2023 in thuneihna a pek angin a hnuaia mi ang hian thupek a chhuah:

1. Kolasib Sadar Sub-Division huam chhungah ram dang atangin Ui lakluh khap a ni.
2. Ui damlo leh natna avanga thi an awm anih chuan AH & Vety. Office hnai berah hriattir vat tur a ni.
3. Ui vulhtuten an ui vulh chu Rabies Vaccine an lak tir vek tur a ní.
4. Ui vulhtuten an ui vulh chu khawlaiah an chhuah zalen tur a ni lo. Tin, khawlai an chhuahpui dawn anih pawhin hrui/chain rinawm takin an kai tur a ni.
5. Ui khuahkhirh lohvin mihring a seh anih chuan Ui neituin hremna a tuar ang.
6. Hemi order chhuah tihlawhtling tur hian Kolasib Sadar Sub-Division huam chhunga Village Council leh YMA tin ten hma la in thupek kenkawh chungchangah Police leh Magistrate te a tul anga berawnin dan angin an kalpui tur a ni.

He thupek hian chhuah anih atanga ni 60 chhung a huam ang a, dan bawhchhia chu Section 291 & 223 BNS, 2023 hmangin hrem theih an ni ang.

He thupek hi ni 6 January, 2026 khan Court Seal nen nemnghetin hming a ziak hnan a ni.