168/2023-2024
Aizawl, the 21st April 2023: Health & Family Welfare Department chuan a hnuaia tarlan ang hian khawlum chho meka Mipuite kan him tlanna tur thil hriattur pawimawh, mitin tena Kan zawm tur a ti chhuak.
TIH TUR TE:
Vantlang mipuite tan
Taksa enkawl that:
• Tui in tam tur. Tui hal hunah chauh nilo, taksa in mawmawh khawp tui a neih theih nan tui in tam tur.
• Kal chhuah leh zin veivahna ah tui in tur ken/pai tur.
• ORS emaw mahni siam neembu tui, buttermilk/lassi emaw thei tui a chi tlem pawlh in tur.
• Thei leh thlai hnah hring tui pai tam chi heng: dawnfawh, hmazil, serthlum, grape, lakhuihthei, fanghma, lettuce leh a dang te ei tur.
Taksa khuh that:
• Thawmhnaw thawl lam leh cotton lam chi, rawng dal lam deuh hak tur.
• Nisen sa hnuaiah nihliap, lukhum leh towel emaw khum tur.
• Nisen sa hnuaiah ke lawng in kal loh tur. Pheikhawk leh chappal emaw bun tur.
In ral rin:
• Tualchhung khawchin awm dan hre tur a Radio ngaihthlak; TV en leh newspaper te chhiar a ngaihchan tur. Khawchin chungchang a chanchin thar ber hriat theih nan Indian Meteriological Department (IMD) website link: mausam.imd.gov.in/ tlawh thin tur.
Inchhung a awm tam:
• Inchhung dai leh boruak lut tha tak ah awm tur.
• Nisa sa leh boruak lum lakah inven tur. Inchhung tukverh nisa in a em nat zual laiah parda zar tur. Boruak a luh that theih nan zanah tukverh hawn thawt tur.
• Chhun nisa hnuaiah i vah chhuah dawn in ruahman lawkna neih tur: zing dai ah emaw tlai dai ah emaw chhuah tur.
• Pawn lam hnathawh tur nei te tan nisat hma a thawk tur in hnathawh dan tur siam rem tur.
Inven ngai zual te:
Mi tu te pawh in khawlum avanga sahal emaw khawlum kaihhnawih natna an tuar thei a. Chutih rualin mi thenkhat inven ngai zual an awm a, heng mite hi ngaihsak leh bengkhawn an ngai zual bik a ni. Chung mite chu:
• Nausen leh naupang
• Nu raipuar
• Pawn lam a hnathawk a eizawng
• Rilru lam damlohna nei
• Taksa damlohna nei, abik in lung tha lo leh BP sang
• Khaw vawt tak hmun atang a khaw lum tak hmun a lokal te: heng mite hian khawlum hnuai a awm ngai a an neih theih nan tui in tam tur.
Inven ngai dang te:
• Kum upa lam leh damlo mahni a cheng te chu an hriselna dinhmun en a, nitin vil thin tur.
• Inchhung tidai thei tur parda, tukverh kharna (shutter) leh hliap (shade) emaw hman tur.
• Zan ah chhuat hnaih lam ah hahchawlh leh mut tur.
• Taksa tih daih nan fan emaw puan hnawm emaw hman tur.
Tih loh tur te
• Nisat laiin pawn ah chhuah loh tur.
• Nisa hnuaiah infiam loh tur.
• Nisa hnuaiah ke lawng in kal loh tur.
• Nisa hnuaih eirawng bawl loh tur. Inchhung ah eirawng bawl laiin tukverh leh ventilation hawn thawt tur.
• Nisa hnuaiah zu, coffee, thingpui, thlum leh soda tam na lam in loh tur. Heng te hian kaw chhung a ti ro a, pum na a siam thei.
• Protein tam na lam chi leh chaw thing ei loh tur.
