Vawiin khan Mizoram Sanitation Task Force hnuaia khawpui fai inelna neih mekah endiktute Panel of Expert Er. Lalrothanga SE, PHE Aizawl Circle leh Pi Mina Zoliani MIS, IPRO, Aizawl te chuan  Kolasib khawpuiin faina kawnga hma an lakna kawng hrang hrangte  endikna an nei.

Heng endiktute hi District Urban Development Officer Pu Mark Lalthanliana leh MJA Kolasib hruaituten tawiawmin veng hrang hrang bakah, Sawrkar Pisa, school, damdawiin leh bazaar shed te a endik a. Team pual hian  D.C Conference Hall-ah Pu Zarzosanga, District Bawrhsap kaihruaina-in  inkhawm tawi neih a ni a. He inkhawmah hian  endik tu lam atangin Er Lalrothanga S.E chuan thusawiin faina kan tehna a in an loh thu leh fai kan tih a in an loh thin thu a sawi a, thangthar zawkte tana faina leh thianghlimna hlutzia kan hnutchhiah chu thil pawimawh ber a nih thu a sawi.  Faina chu changkanna leh hriselna bul a ni a,a khawnawta fai tur chuan mahni chhungkua theuh atangin bul tan a ngaih thu a sawi bawk.

He hunah hian Endiktute chuan khawtlang hruaitute leh Tlawmngai pawl aiawhte bakah Bazar shed a chawhmeh zuar te chu zawhna zawtin an hmalakna tha tawk an tih leh tih loh an zawhna chu Khawtlang hruaitute leh Tlawmngai pawl aiawhte chuan Kolasib khawpuiin faina kawnga inelna hmachhawn tura hma an lakna chu tha thawkhat viau mahse hmasawnna tur ala awm thu tarlan a ni a, hemi a tan hian vantlang hnatlang pawh vawi tam tak koh a nih thu an sawi a ni.