Meeting kaihruaitu Dr Lalrozama chuan Khawpui fai inelna hmanga Mamit khawpuiin Mizoram huapa lawmman pakhatna leh pathumna hial a lo lak tawhte chu chhawm nun zel nise a duhthu sawiin hemi kawnga hmalakna ah mimal tin, chhungkua leh khawtlang kan zavaia kan tanrual a tul dawn a ni tiin thawhpuiah a sawm nghal a ni.

Meeting hian Mamit District chhung leh Mamit khawpuiin faina kawnga hma a lo lak tawh dan hrang hrangte thlirho a ni a. Hmalakna tur hrang hrang chhawpchhuah zingah hian karthar lo awm turah hian Mamit khawpui chhunga Village Council leh YMA Branch tawngkawpin mahni vengchhung theuhah a meikhu chhuak vantlang hnatlang leh a remchan dan ang anga hma la tura mawhphurhna pek an ni a. Chhungtinte mahni in leh a chhehvel tifai turin khawtlang hruaitute kaltlanga hmalak nise tih a ni bawk. Hei bakah hian Mamit khawpui chhunga Sawrkar Pisa-te tifai turin District Bawrsap Office kaltlanga hriattirna pek nise tihte rel a ni.

Veng hrang hrang te'n hma an lakna ah hian vengfai ber lawmman siam nise tih a ni a, Vengfai ber inelna endiktu tur Inspection Team hi Committee ah hian din nghal niin SDO(S), DIPRO, President MJA leh DUDO te chu ruat niin an ni hian karleh zirtawp ni hian endikna an nei ang.

Meeting-ah hian Sawrkar Department aiawh, Khawtlang hruaitu, Tlawmngai pawi aiawh MUP, MHIP leh YMA te an tel a ni