Pi Laltharzeli hian he Award a dawn theih nan hian mahni inpe-in faina kawngah hma ala nasa hle a, PHED-te chuan Ambassador-ah hmang zuiin Mamit District chhung thingtlang leh khawpui faina kawnga hmalatu tur Children Sanitation Club 85 a din tawh a, Mamit Bazar veng Children Sanitation Club kum 3 chhung lo kalpui tawhin karkhatah vawihnih hnatlang a neihpui thin a ni. Heng faina kawnga a thawhhlawkna leh hmalakna hi Department leh Mizoram Sawrkar chuan Ministry Of Drinking Water Jal Shakti hnuaiah he Award dawng tur hian an chhawpchhuak ta a ni.
Award hlanna inkhawm Vigyan Bhawan, New Delhi-a neih hi Shri Ram Nath Kovind, President of India hova neih a ni a. President hian Sawrkar laipui hnuaia hmalakna tihlawhtling turin mipui an pawimawh thu a sawi.
Ministry of Drinking Water Jal Shakti, Minister Gajendra Singh Shekha Wat chuan mimal tlawmngaite, sum leh pai beisei lova thawktute avangin India ramin faina lamah hma a sawn zel a, Mitinte kan lo hrisel zawk nan leh kan tui in turte a lo thianghlim zawk nan faina kawngah theihtawpchhuah lehzual turin India mipuite a sawm a ni.
Award hlanna inkhawm hi Minister of State Jal Shakti Shri Rattan Lal Kataria chuan kaihruaiin, mimal chawimawina dawng bakah hian Department tithate hnenah chawimawina thuziak Award hlanna neih nghal an ni a. Mizoram PHED chuan ODF 4+1 IEC Category-ah India rama State thawk tha ber lawmman Maharastra State nen an dawng bawk a ni.
Award hi Mizoram State aiawhin Shri Amjad Tak, IAS Secretary, PHED Govt of Mizoram, Pu H.C Lalnunzira, Mission Director, Pi Helen Saibuangi EE, WSSO PHED Aizawl leh Pu Lalzawmliana, Sr EE, PHED Mamit leh Awardee Pi Laltharzeli te hian New Delhi an zu dawng a ni.
Attachment
- Loading attachment...
