Tukin zing khan Mamit Bazar veng-ah District Urban Development & Proverty Alleviation(UD&PA) buatsaihin Awarness Camapaign On CleanlinessCompetition for Urban  Mizoram 2018 chu hman a ni a, Pu Jacob Lalawmpuia,Addl DC, Mamit chuan a hmanpui.

Pu Jacob Lalawmpuia, Addl DC, chuan Mamit Khawpui chu Khawtlang, Mipui leh Sawrkar Department hrang hrangte tanrualna a zarah, kum hmasa lamah Mizoram khawpui fai inelna-ah lawmman pakhatna la kan ni a, Kuminah pawh lawmman la ngei thei tura kan thawhho a tul leh dawn a ni a ti. Fai turin hausak emaw, lehkhathiam emaw mibik nih a ngai lova, mi tupawhin fai turin theihna kan nei a ni a ti, tifaitu kan ni thei lo a nih pawhin tibawlhlawhtu nih loh tal tum theuh turin mipui a sawm a ni.

Pu Jacob-a chuan khawpui fai inelna kan hmachhawnna turah intihsiakna buatsaih laia,  lawmman dawn ngawr ngawr chu kan tum tur nilovin kum tluana engtik lai pawha fai tura kan inbuatsaih zawk chu a pawimawh a ni a ti bawk.

 He hun hi Pu HD Lalpekmawia, District Urban Development Officer chuan kaihhruai a, Sub Hqrs YMA, Joint Village Council, Sub Hqrs MHIP atangin Pu Vanlalchhuanga Chhangte, Pu J. Hrangdailova, leh Pi LR Zampuii ten faina lama khawtlang, mimal leh pawl hrang hrangte te tana hmalakna tur leh fuihna tur thu tha tak tak an sawi a, Pi Laltharzeli, President Bazar veng MHIP kaihruaina-in Fai tur leh faina kawnga hmala-a midangte zirtir thei tur khawpa hmala tura intiam tharna kalkhawm ten neih a ni bawk.

Awarness Campaign ah hian Mamit khawpui veng hrang hrangte tana vengfai inelna quarterly-a buatsaih thin a ni a, tukin hian lawmman semna neih a ni. Lawmman pakhatna hi New Mamit VC niin, pahnihna hi Bazar Veng VC an ni a, Lawmman pathumna hi Hmarveng VC te'n an la bawk a ni. He hunah hian Mamit khawpui chhunga Village council hrang hrang School leh Hospitala hman tur bawlhlawh bawm lian semna neih nghal a ni a bawk. Awareness campaign ah hian Mamit khawpui chhunga Sawrkar Department hrang hrangte, Tlawmngai pawl hrang hrang aiawh leh Bazar hmuna mipuite an tel a ni