Tukin zing dar 6:30am khan  District Tobacco Control Cell buatsaihin  spot the smoker activity and cleanliness drive  rally neih a ni.  He rally in a tum ber chu Zuk leh Hmuam leh Ruihhlo dona  hi  mimal leh kan zavai  mawhphurhna  a ni piah lamah tangruala do hi kan tihmakmawh a ni, tih mipui hriattir a ni.

Rally hi New Siaha vety kawn atanga neih tan niin; kawnglakah bawlhhlawh chhar fai theih ang ang tihfai nghal a ni bawk. 

Meizial lo zu mek  naupangin an hmu te chu councelling pein, a that lohzia inziahna thuziak an sem nghal zel bawk a ni. 
   
Rally tawpna Traffic Point Vaihpi-ah neih niin,  function tawi te hman nghal a ni.  Pu ZT. Vawra Hmar, District Consultant, DTCC in function hi  kaihhruaiin,  Pu F.Lalbiakzauva, Addl. SP Siaha in naupangte fuihna thu a sawi bawk a ni. X- Crew ten lam mawi tak an entir bakah Rally-na a kalkhawm ten thutiam(pledge) neiin zuk leh hmuam leh ruihtheih thil a fihlim tur leh midangte zirtirna kawnga ke pen thei turin intiamna an nei bawk. 

Rally-ah hian school thlan bik atanga peer educator  mi 100 bawr vel an tel thei a ni

Attachment

  • Loading attachment...