Urban Development & Poverty Alleviation Department buatsaih District Capital hrang hrangte faina kawnga inelna kal mek leh District chhunga Town hrang hrang te inelna kal mekah nasa takin Serchhip a inbuatsaih zel a, Inbuatsaihna hian a vawr tawp a thleng chho tan tawh a ni.
District Bawrhsap Pi Sangchhin Chinzah hova he intihsiaknaa hmalak dan tur ruahmanna siam anih angin September thla tir atang khan Serchhip khaw chhunga chhungkaw tinin an in leh a vel tihfai hna an thawk tan a, Village Council hrang hrang ten khawtlang huap hnatlang nei chho zelin vawiin hian Serchhip VC VI leh New Serchhip South VC te chuan khawtlang huap hnatlang an ko a, hnatlanga thawk chhuak an thahnem hle a ni. Heti hian Serchhip Town chhunga Village Council hrang hrang ten hnatlang ko vek tawhin, Khawtlang huap inbuatsaihna chu zawh thawkhat a ni ta a ni.
He intihsiakna atan hian Village Council, YMA, Chhungkaw tin leh zirna in ten nasa takin tha an thawh a ni.
