4835/2024-2025

Dated Serchhip, the 26^th March, 2025: Vawiin khan Serchhip DC Pu Paul L Khuma hovin a pisaah Khawtetlang diversion road siam dan tur chungchang sawiho a ni.

Khawtetlanga sawrkar quarters panna kawngpui hian Government Serchhip College gate puiah lutin College Campus a paltlang avangin hun eng emaw chen atang tawh khan a panna tur kawng dang zawn ni se tih rawtna hi a lo awm fo tawh thin a. Tun dinhmunah ruahmanna siam tan mek niin PWD te nen vawiin khan sawiho a ni.

Pu Lalrinhlua, SDO, PWD chuan power point hmangin kawng awm laih theih dan tur hrang hrang a sawi fiah a. Heng ruahmanna leh rawtna te hi sawiho niin College hotute nen March 28 zing karah a hmunah enho ni se, tiin an rel. Spot verification neih fel hnuah thutlukna siam a ni ang a, chumi zawhah PWD lamin estimate siamin Government Serchhip College lamin fund dil dan tur an bawhzui dawn a ni.

Vawiin meeting ah hian District Aministration hotute bakah Government Serchhip College aiawh te, New Serchhip North Village Council leh Settlement Officer te an tel a ni.