Kum 43 chhungte bosan, dam taka lo kir leh Pu Khawtinkhuma Chinzah (Jimmy Christ King tia hriat ni bawk) hringnun kawng leh a nu Pi Chiathluaii'n a fapa bo hruai kir tura Pathian hnena chawl lova a tawngtaina rah a nihzia chanchin ziahna bu 'Khawtinhuma Chinzah leh a Nu Tawngtaina (Jimmy Christ King hmuhchhuah a nih dan kawng mak tak chu)' tih chu vawiin khan Health Minister Pu Lalrinliana Sailo-in I&PR Auditorium-ah a tlangzarh.
He lehkhabu tlangzarhtu Pu Lalrinliana Sailo chuan Pu Khawtinkhuma hmuhchhuah a nih leh dan chanchina a ropui ber chu a nu tawngtaina Pathianin a tihhlawhtlinsak tih lai tak hi a ni, a ti. Pu Khawtinkhuma chanchin leh khawvel hmun hrang hranga a hnathawh dan chanchin chhiartu zawng zawng ten he lehkhabu hi tangkai tak leh anmahni nunah malsawmna an seng ve theih nan hmang ngei se a duh thu a sawilang a. A bik takin zirlai leh sumdawng te tan he lehkhabu hi a chhenfakawm hlea a rin thu a sawi bawk.
Vawiina lehkhabu tlangzarh inkhawm hi Pu C. Ropianga, IAS (Rtd), Election Commissioner-in a kaihruai a. Pu Khawtinkhuma pa Pu C.Tialupa, amah hmuhchhuaka Mizorama rawn hruai kir leh tu Nl.Lalremsangi (Tetei), Pu B.Sanghnuna, IAS (Rtd) leh lehkhabu ziaktu Tv.Lalramthlirliana Chinzah te chuan thu an sawi a. Rev.B.Zazawna, Lai ADM, LIKBK-in hunserh hmangin Tv.Lalzuithanga, Luangmual chuan lehkhabu thlirlawkna hun a hmang bawk a ni.
Vawiina lehkhabu tlangzarh inkhawm hi Pu C. Ropianga, IAS (Rtd), Election Commissioner-in a kaihruai a. Pu Khawtinkhuma pa Pu C.Tialupa, amah hmuhchhuaka Mizorama rawn hruai kir leh tu Nl.Lalremsangi (Tetei), Pu B.Sanghnuna, IAS (Rtd) leh lehkhabu ziaktu Tv.Lalramthlirliana Chinzah te chuan thu an sawi a. Rev.B.Zazawna, Lai ADM, LIKBK-in hunserh hmangin Tv.Lalzuithanga, Luangmual chuan lehkhabu thlirlawkna hun a hmang bawk a ni.
