Champhai District AH & Vety Department chuan nimin (10.10.2016) chhun khan Vety Dispensary atangin Khawzawl Distribution huamchhunga NLUP 3rd leh 4th Phase hnuaia Hill Cattle leh Mithun Trade thlangtu mi 42 hnenah 2nd Installment Rs.32,000/- theuh sem a ni.

Tanpuina dawngtute hi Khawzawl, Tualte, Chawngtlai, Aiduzawl, Rabung, Neihdawn, Ngaizawl, Tualpui, Chalrang leh Sialhawk khua ani te an ni a. Tanpuina sem chhuahna hi Champhai DVO Dr. Lalchungnunga Pudaite in a hmanpui a ni. A ni hian Champhai District-ah NLUP hnuaia sial vulh thlang tute hian an vulh pung nasat thu leh, Bawng vulhtute pawh an Bawnghnute thar chhuah a pun nasat thu a sawiin, NLUP tanpuina an dawn chu hlawkpui ngei tum rana an hman an beisei thu a sawi bawk.