1023/2022-2023
Champhai, the 23rd June, 2022: Vawiin chawhma dar 10:30 khan Khawzawl District Bawrhsap Pu C.C. Lalchhuangkima hovin DC Conference Hall-ah Khawzawl-Aizawl Maxi Cab (Sumo) Service tihchangtlun chungchang rela thutkhawm a ni.

Pu C.C. Lalchhuangkima chuan Covid-19 hrileng avangin hun rei tak Sumo service a khaihlak thu leh mipui zingah pawh zin vei vak an tlem thin thu a sawi a. Covid-19 hripui a lo ziaawm tak avangin mipuite veivahna kawnga harsatna a awm loh nan Sumo neitute leh Counter enkawltute pawhin tan an lak thar a ngai dawn a ni, a ti a. Sumo service chungchangah mipui atangin lungawi lohna hriattur awm fo thin hi a pawi hle a, mitin tih lawm vek hi thil theih ni lo mahse, theihtawp erawh chu chhuah turin kan in beisei thin a ni, a ti bawk.

Thukhawm chuan Khawzawl Sumo Service chu mipuiten an chhawr tangkai zawk theih nan passenger-te lamna tur point hmun laili leh pan nuam deuhah siam thei se a duh thu tarlangin, Sumo Welfare lam bawhzui tura dah a ni a. Passenger turte pawh a hun taka mahni counter hnai bera lo awm thin tur leh nghah rei ngaite chu service a buaiphah loh nan tlansan mai pawh hreh lo turin an inchah bawk a. Heng bakah hian Sumo Service chungchanga mipui ten lungawi lohna an thlen hrang hrangte tarlan niin, a chin fel dan turte sawiho a ni bawk.

Meeting-ah hian SP, Addl. DC, DTO, Khawzawl Maxi Cab Owners Association, Mizoram Consumers Union, Sub-Hqrs. YMA leh Khawzawl Joint VC hruaitute an tel a ni.