1024/2022-2023
Dated Aizawl, the 23rd June,2022: Vawiin chawhnu dar 2:00PM khan Home Minister Pu Lalchamliana, Hrangturzo Bialtu MLA chuan a Pisa-ah kumin 2022 a MBSE hnuaia HSLC leh HSSLC result chhuaka a bial chhunga Zirlai ti tha leh Zirna In tithate lawmpuina a hlan. Hrangturzo Assembly Constituency-ah hian 100% pass High School 4 leh Higher Secondary School 2 an awm a; Zirlai Distinction a pass HSSLC ah mi pasarih (7) leh HSLC ah mi panga (5) an awm a ni.

Pu Lalchamliana chuan a bial chhung School atanga Zirlai engemawzatin hlawhtlinna an chang chu a lawmpui hle tih sawiin, an kal zelna turah duhsakna a hlan a. Zirlaite hlawhtlin theihna tura a hnarkaitu Zirtirtute inpekna chu fakawm a tih thu leh an thawhrimna chu a ngaihhlut thu a sawi. Zirnaah bul tha takin an tan tawh a, hlawhtling turin a tawp zawh that a pawimawh tih a sawi a. Chumi atan chuan tumruhna te, inpekzawhna te, duhna chiang taka rilru siam fel te a pawimawh zia a sawi a ni. Pu Chama chuan ruihhloin zirlai tamtak a ti buai thin tih leh chutianga zirlai ruihtheih thila buai te chu khawtlang tana chhenfakawm an ni ngai lo tih a sawi a, ruihhlo laka fihlim turin Zirlaite a chah a ni. Pu Chama chuan Zirna hi remna leh muanna thlentur, hmasawnna atana pawimawh em em a nih zia a sawi bawk a ni.

Sorkar kal mekin zirna a ngai pawimawh em em a, C.M. zahawm tak Pu Zoramthanga kaihhruaina hnuaiah Education Minister leh Pu L.Thangmawia, Vice Chairman HR&D te thahnemngaihnain Zirtirtu indaih lohna chungchangah pawh a theih ang ang a ngaihtuah a ni a, sang chuang a la chu lawmawm a tih thu sawiin chumi zar chu a bial chhunga Zirna In hrang hrang pawhin a zo mek a, lawmawm a tih thu a sawi bawk a ni.

Kumin MBSE hnuaia HSSLC & HSLC Exam-a Zirlai leh Zirna In ti tha te lawmpuina a pek dan chu hetiang hi a ni.
HSSLC
1. Rosy Lalnunhlui - N.Vanlaiphai HSS
2. Zodinpuii - N.Vanlaiphai HSS
3. Vanrambeiseii - N.Vanlaiphai HSS
4. Lalruathlua - N.Vanlaiphai HSS
5. Ngurthantluanga - N.Vanlaiphai HSS
6. Lalruatdiki - Biate HSS
7. Lalsawmzuali - Biate HSS
8. Vanlalthansanga – N. Vanlaiphai (Synod HSS) – Mathematics Subject topper (99 Marks)

HSLC
1. Vanlalruatfeli - Sailulak H/S
2. C.Lalrinawma - Sailulak H/S
3. Ramnunmawii Sailo – Hrangturzo H/S, N.Vanlaiphai
4. Vanlalneii - Bungtlang H/S
5. Vantleipuii - Mualcheng H/S

100 % Passed School te:
1. N.Vanlaiphai HSS
2. Bungtlang HSS
3. Mualcheng H/S
4. Presbyterian English School, Khawlailung
5. Hrangturzo High School, N.Vanlaiphai
6. Mt.Carmel School, Khawlailung

Zirlai titha zual, Distinction-a passed chin leh 100% passed school te hnenah hetiang hian lawmpuina pek chhuah a ni.
1. HSLC Distinction - Rs.3000 x 5 students = Rs. 15,000.00
2. HSSLC Distinction - Rs.4000 x 7 students = Rs. 28,000.00
3. HSLC 100% Passed School - Rs.20,000x 4 = Rs. 80,000.00
4. HSLC 100% Passed School - Rs.25,000 x 2 = Rs. 50,000.00
5. HSSLC Subject Topper – Rs. 5,000 x 1 = Rs. 5,000.00

Total = Rs.1,78,000.00