1025/2022-2023
Aizawl the 23rd June, 2022 : Ni hnih chhung awh tur National Health Mission hnuaia National Urban Health Mission te bultumin Zuangtui TNT Camp-a awmte tana Free Clinic buatsaih chu vawiin khan tan a ni.

Dr.David Zothansanga, State Nodal Officer Kaihhruaina in he free clinic hi neih a ni a. National Urban health Mission in a tum ber khawpui chhunga cheng, mi harsa leh Home-a awmte hriselna enkawlsak hi NUHM programme in a tum ber a nih thu Dr David Zothansanga hian sawiin TNT hotute ngenna anga TNT-a awmte an zavaia an Health Record submit turte pawh tihsak an nih tur thu a sawi bawk.

NUHM ten vawiina Joint Outreach/free clinic an buatsaihah hian doctor 4 leh staff thahnem tak an thawkchhuak a. He Free Clinic-ah hian TNT Camp-a awmte hriselna kawng hrang hrang chi 20 chuang endiksak an ni a. Damdawi chi hrang 60 chuang a thlawna sem nghal zel a nih bakah NUHM hnuaia staff te hian TNT-a awmte tan thawmhnaw eng emaw zah an pe bawk.

Tun dinhmunah hian TNT-ah mi 1700 vel an awm mek a. Vawiin bikah hian Pangpar Huan, Naupang leh DAC a mite hriselna endiksak an ni a, naktuk ni 24 hian Hmeichhe Chhul hmawr cancer screening leh tul dangte buaipui chhunzawm leh a ni ang.

NUHM chuan a tul anga veivah nan leh bungraw thiar nana lirthei thawh a hma lakpuitu Dr ZR Thiamsanga MLA, Vice Chairman Health & Family Welfare Board hnenah lawmthu an sawi bawk a ni.