1428/2026-2027 

Dated Khawzawl, the 17th July, 2026 : Vawiin khan Khawzawl Bawrhsap Pu K. Vanlalthiana hovin a pisa-ah Khawzawl District chhunga Commercial Vehicle Driver (Two/Three/Four-Wheeler) leh sawrkar driver te puala Free Health Camp neih dan tur relin thutkhawm a ni.

He thutkhawmah hian Bawrhsap Pu K. Vanlalthiana chuan Khawzawl mipuite natna hrang hranga kan dinhmun hriatchian a pawimawh thu sawiin, DAPCC, DTO, SP office leh Drivers Union tangkawpa Free Health Camp buatsaih a ni thei tur chu lawmawm a tih thu a sawi. Camp hi driver-te puala buatsaih tur ni mahse a duh apiang tan test chi hrang hrang a tih theih dawn a ni.

Free Health Camp hi July 23, 2026 (10am-4pm) ah Zaingen Hall-ah neih tur a ni a. A thlawnin test hrang hrang Blood Group, Diabetes (zunthlum), Blood Pressure, Hepatitis, HIV leh Syphillis (saihri) te a tih theih dawn a ni.