Vawiin khan Khawzawl District Bawrhsap Pu H.Lianzela MCS  kaihhruaiin March Ni 13-a Mizoram Governor Pu PS Sreedharan Pillai Khawzawl tlawh tur lo dawn sawn dan tur chungchang DC Conference Hall-ah rel a ni.

Meeting kaihruaitu Khawzawl District Bawrhsap Pu H.Lianzela chuan Mizoram Governor chu  ropui taka lo dawnsawn chu tih makmawh a nih thu te, amah lo dawnsawn kawngah thawhhona tha tak neih a pawimawh thu te he hunah hian a sawi a ni.

Meeting chuan Mizoram Governor hi Khawzawl Field No 1, Zuchhip Veng-ah ropui takin Welcome gate-te siamin mipui nen khawpuma lo hmuah ni se, Governor lo thlen veleh Khuallam nen dawhsan  lamah hruai ni se, an ti bawk a ni. Governor lo hmuahnaah hian Cheraw kan entir ni se, Ngaizawl khuate Buhtun lam entir tur leh MHIP-te Parlam entir tura sawm ni se, an ti bawk a ni.

Ruahman dan chuan Mizoram Governor Pu P.S. Shreedharan Pillai hi March Ni 13, 2020 zing dar 9:00-ah Champhai atangin Lirtheiin  Khawzawl a rawn pan dawn a, Field No 1-a amah hmuahna inkhawm hman zawh a nih hnuah Khawzawl damdawiin a tlawh ang a, hemi hnu hian Govt Khawzawl College  tlawh lehin leh Govt Khawzawl College-ah hian Deputy Commissioner, Khawzawl SP leh Khawzawla sorkar department hotute nen meeting an nei zui nghal dawn a. Tlai dar 3:00-ah Helicopter-in Aizawl a pan leh nghal ang