Aizawl bawrhsap Pu Vanlalngaihsaka chuan lo hal chungchang leh kangmei tichhuak lo tur a hriattirna a hnuai ami ang hian a ti chhuak :

Khua a lo thalin Huan/Lo ram hal a lo hun leh dawn ta a, kan fimkhur tawk loh avang leh mei kawng kan sial that tawk loh thin avangin rim taka kan thawhchhuahte leh ram te kan tikang nasa thin a. Hei hi thil pawi tak a nih avangin a hnuaia tarlan ang hian kangmei laka kan him tlan theih nan kaihhruaina siam a ni e.

1. Lo/ Huan hal tur te chuan March ni 15, 2020 hma in hal vek tur a ni.
2. Lo hal turten lo hal hma in mei-kawng tha taka sial vek tur a ni.
3. Mi tumahin ram tih kan loh tur a ni a. Village Council/Local Council te hriattir hmasa lovin mahni duhthu a lo hal mai mai loh tur. Village Council/Local Council tinin an area chhung a kan loh nan uluk takin an puangzar tur a ni.
4. Ramhnuaiah meizial bung paih leh meichhem/hal mai mai loh tur a ni.
5. Kangmei laka kan him theih nan kan In leh a velte tifai tha in awlsam taka kangkai thei thil (petrol, diesel etc ) lakah kan fimkhur tur a ni.
6. Lengpui leh a chheh vel khuate chuan Lengpui Airport-a thlawhna lutchhuak a tihbuai loh nan tlai dar thum (3:00) hnu lamah chauh Lo/ Huan an hal tur a ni.

The Mizoram ( Prevention and Control of Fire in the Village Ram ) Rules, 2001 hnuaiah mitin leh chhungkaw tin leh Village Council tinin lo hal leh kangmei tih chhuah chungchangah mawhphurhna sang tak kan nei tih hria in tu pawhin kangmei ti chhuak lo turin tan i la theuh ang u.