3114/2023-2024

Khawzawl 19th December,2023: Vawiin khan Khawzawl District Bawrhsap Pu K Lalrohlua chuan Tualpui khua,Khawzawl District chu a tlawh a. Khawtlang leh tlawmngai pawl hrang hrang hruaitu ten lo dawngsawngin inkawm hona hun hman a ni.

Inkawmhona hun BNRGSK Meeting Hall-a neihah hian Pu K. Lalrohlua chuan zirna a ngaihpawimawhzia sawiin, a kal tawhna apiangah zirna pawimawh zia a tam thei ang ber a sawi tel ziah thu a sawi a. NGO hruaitute chu an khua in zirnaah hma an sawn theihnan nasa taka tan la turin a sawm a ni. NGO hrang hrang hruaitute hian DC hnenah an mamawh hrang hrangte an thlen bawk a, heng te hi DC chuan a tul anga a lo bawhzui tur thu a sawi bawk.

Pu K. Lalrohlua hian school hrang hrang pathum - Govt Middle School,Govt Primary School leh RMSA school te tlawhin school dinhmunte a enfiah bawk a ni.

DC hian Primary School ten an mamawh an thlen angin Computer set leh Printer a pe a, hei bakah hian RMSA High School te pawh computer set pein study camp an neih huna an thingpui hmeh leina tur senso a tumsak tur thu a sawi bawk. DC hian YMA ten an mamawh an thlen angin silpauline lian 2 leh a te 1 a pe bawk.