3113/2023-2024

Dated Serchhip, the 19th December, 2023: Vawiin chawhnu khan DC Meeting Hall, Serchhipah Deputy Commissioner Pu David Lalthantluanga kaihhruaiin kumin Republic Day 2024 hman dan tur ruahmanna siamin meeting pawimawh tak neih a ni.

Pu David Lalthantluanga chuan kum thar 2024-a Republic Day lawmna tluang taka neih a nih theih nan Serchhip District chhunga Department hrang hrang te leh khawtlang hruaitute thawhhona leh tanrualna a pawimawh dawn hle a ni, a ti a. Department hrang hrang ten mahni mawhphurhna tha taka hlenchhuak turin a ngen a ni.

Meeting ah hian Republic Day hman dan tur chipchiar taka duan a ni a. Serchhip DC Pu David Lalthantluanga chu khuallian tura beisei a ni. A lawmna programme hi Serchhip Complex Field ah chawhma dar 10 ah neih ni se tiin ruahmanna siam a ni.

Republic Day hlim taka lawm a nih theih nan mawhphurhna hrang hrang siam a ni a. Assam Rifles, BSF, NCC, Ex-Servicemen leh School 13 atangin parade contingent tel tura beisei an ni a.  A hmunhma chei dan tur te, tui leh electrification chungchang te, parade contingent te inbuatsaih dan tur te, venhimna chungchang te, sum leh pai mamawh te leh ruahmanna dangte siam a ni.