3112/2023-2024

Dated Saitual the 19th December 2023 : Vawiin khan Saitual Bawrhsap Dr Lalngura Tlau chuan Hlimna In( Girls Home) Saitual chu tlawhin Governor in a sanction financial Assitance - Discretionary Grant 2023-24, cheng 10,000 chu a hlan.

DC chuan Governor/CM te, hetiang hunpuia an luang chhuak thin chu lawmawm a tih thu a sawiin Salvation Army te hetiang lama an hnathawh chu a ropui hle a ni, a ti a, hnathawktute zawng zawng chu Pathianin malsawmnain vur zel se tiin duhsakna a hlan nghal bawk.

Dr Lalngura Tlau chuan Kohran pawl hrang hrang te pawh he Hlimna in enkawl hna hi an rawngbawlnaa ngaia inthlahrunglova puih thin turin a ngen bawk.

Hlimna in Home Superintendent pawh in DC in a rawn tlawh chu lawmawm a tih thu sawiin Home dinhmun tlangpui leh staff awmdan report a pe a. An naute zingah District chhung inelna, bawlhhlawh atanga thil siam chhuah - lawmman pakhatna te pawh an lo la fo tawh thin a ni a ti.

Vawiin Hlimna in tlawhna hun ah hian Saitual DC hi  DC office a officer leh Staff ten an tawiawm a ni.