No.1628/2020-2021

Vawiin khan Khawzawl District chhunga Nodal officers on Covid -19, Task Group on Quarantine Facility Centres leh Invitees te District Bawrhsap Pu H Lianzela hovin an thukhawm.

Meetingah hian Health & Family Welfare Minister Dr R Lalthangliana'n Ni 5.06.2020-a Khawzawl a rawn tlawh huna lo dawnsawn dan tur te, meeting lo neih pui dan turte leh Quarantine Centres tlawh dan tur chungchang te chipchiar taka sawiho a ni.

Minister hi Head of Office ruatbik te , VC aiawh te, NGO aiawh te leh Party lam aiawh ten lo dawn sawn a, DC Bungalow ah tukthuan kilpui nise an ti a. Chawhma dar 11:00 ah Zaingen Community Hall-ah DLTF leh sawmbik te nen meeting neih leh hnuah a remchan dan anga Quarantine facility tlawhpui nise an ti bawk.

Meetingah hian State dang atanga rawn haw mek te lo dawn sawn dan leh Quarantine Centre-te enkawl mek dan te sawiho a ni a, Quarantine centrevte mipui tana him zawka enkawl dan tur leh hmasawnna tur kawng hrang2 te sawiho a ni bawk. Khung hran mekte zingah khung hran hun an hman zawh hnuna mahni khua a haw aia Khawzawl-a khunghran la duh zawkte an awm theih avangin chutiang mi chu zawn chhuah a, an awm zuina tur Community Quarantine Centre din nise, chumi atan chuan Joint NGO ten leh DLTF ten hma lo la se an ti ani.

Covid 19 avanga State danga tangkhang ten Khawzawl an thlen belh zel a. Nizan dar 9:40 PM khan Uttar Pradesh atanga rawn haw hmeichhe 3 ten Khawzawl an rawn thlen belh leh a, Test hang hrang an paltlang hnuah an mahni dahna tura ruatsa Tourist Lodge-ah dah nghal an ni.

Tun dinhmunah Khawzawl District chhungah Covid 19 hrileng avanga Quarantine Centre leh Isolation Centre-a khunghran mi 156 an awm mek a ni. Mi 211 RAT test tih sak an ni tawh a, RT -PCR test 154 tihsak an ni tawh bawk. Test tawhte hi result hriat theih chinah an la negative vek a ni.