434/2023-2024

Khawzawl, the 12th May, 2023: Tukin khan Khawzawl District Bawrhsap Pu K.Lalrohlua chuan Neihdawn a tlawh. Khawzawl District Bawrhsap hi Neihdawn khawtlang hruaitute'n an lo dawngsawng a, khawtlang mamawhte leh hmasawnna hnathawh kal mekte a enfiah a ni.

Hemi hnu hian Neihdawn High School a tlawh a, Zirtirtute leh Zirlaite fuih tharna hun a hmang a. Neihdawn High School chu kum 2021 ah pass percentage 100% leh kum 2022 ah 40% an neih thu tarlangin, kumin result chhuakah vanduainate tawkin pass awm lo mahse hnual mai lova malsawmnaa chantir tum tur leh, inenfiah nana hmanga theihtawp chhuah turin a fuih a ni.

District Bawrhsap Pu K.Lalrohlua chuan Khawzawl District chu khua leh veng fai, District changkang tak a nih thu a sawi a. Zu leh ruihhlo lakah khawtinte fihlim chho zel turin a chah a. Faina kawngah pawh District dangte entawn nih tum turin a chah bawk.