No.3711/2021-2022

Aizawl, the 18th January, 2022: Vawiin chawhma dar 11:00 khan Deputy Chief Minister Pu Tawnluia, Tuichang AC bialtu MLA ni bawk ruahmannain Khawzawl District chhunga Covid-19 avanga Community Covid Care Centre (4C) leh Home Isolation a awm mekte chhawmdawl nan Buhfai, Tel leh Dal semhhuah a ni a. Heng bakah hian DC Office atangin pawisafai Rs. 64,000/- leh Oxymeter 26, Digital BP Monitor 26, Digital Thermometer 26, Surgical Facemask 900, PPE Kit set 10 leh N95 Facemask box 13 sem chhuah tel a ni bawk.

Heng chhawmdawlnate hi Pu C.C. Lalchhuangkima, Deputy Commissioner, Khawzawl District hovin DC Office tualzawl atangin vailiam a ni a. Chhawmdawlna hi mi pakhat tan buhfai Kg 3 zel hisapa chhut a ni a, Tel hi chhungkaw pakhatah pava khat hisap niin, Dal hi chhungkaw tinah Kg 1 theuh hisapa pek chhuah a ni. Vawiina Covid-19 hrikaite tana chhawmdawlna sem chhuah hi a vaiin buhfai quintal 30 leh kg 30, tel case 9 leh dal kg 223 a ni a, hemi atan hian MLA Fund atangin Rs. 1,68,530/- hman a ni.
Chhawmdawlna semchhuah a nih lai hian Khawzawl District chhungah hian Covid-19 positive mi 737 an awm mek a. Rabung khua leh Lungtan khuate chu Restricted Area-ah puan mek niin, Kawlkulh leh Tualte khuaahte Micro Containment Zone puan mek a awm bawk.