February Ni 7, 2020 khan Deputy Commissioner, Khawzawl Office Chamber-ah District Disaster Management Authority (DMMA) 

Khawzawl chu a vawikhatna turin Bawrhsap Pu H. Lianzela hovin an thukhawm. 

Meeting chuan kangmei chhuak vanga chhiatna thleng thei laka invenna turin  Khawzawlah Fire & Emergency Service (F&ES) awm theihna turin hmalak ni se, khawpui chhung hmun pawimawh laiah Fire Hydrant dah ni se, mipui zirtirna Disaster Sensitization Programme neih turah Mock Drill neih tel ni se a ti a. Khawzawl Vengthar lei tlahniam chungchang pawh sawiho niin, Vengthar bazar bul leh SBI kawt National Highway Number  6 tlahniam tawh lutuk chu PWD (Highway) te nen en ho ni se, a tul anga bawhzui nghal ni se an ti bawk a ni. Hei bakah hian District Disaster Management Plan chungchang sawiho niin, a hma thei ang bera plan siam ni se, line department-te pawh a tul anga hma la tura hriattir ni se ti a rel a ni. 

Meeting-ah hian Pu PC. Lalchunglura, SP;  Pu Paul L. Khuma, Addl DC; Dr Saithangpuia, BDO; Dr Lalngaihawmi Chhangte, MO, Khawzawl CHC leh member dangte an tel a ni.