1891/2026-2027 

Dated Khawzawl, the 21st August, 2026 : Vawiin khan Khawzawl Bawrhsap Pu K. Vanlalthiana kaihhruaiin DC Conference Hall, Khawzawlah District Health Society (DHS) din tur chungchang relin thutkhawm a ni.

He hunah hian Khawzawl District Chief Medical Officer Dr. Shahnaz M. Zothanzami chuan DHS din a tulna chhan leh a mawhphurhna turte a sawifiah a. DHS hnuaiah hriselna lama hmasawnna hna thawhte endiktu tur monitoring committee din a ngaih thu a sawi bawk a. Bawrhsap Pu K. Vanlalthiana chuan Registrar of Firms & Societies hnuaia DHS inziahuh (register) na tur Memorandum of Association chu thutkhawmna neih leh huna thlirho theih turin siam ni se a ti a. DHS din hi hriselna atana hmalakna pawimawh tak a nih thu sawiin, Khawzawl District chhung khaw hrang hranga damdawiinte tlakchham leh mamawhte sawiho theihna a nih thu a sawi.

Vawiin thutkhawmah hian District Hospital sak mek pawh chak zawka hna thawh a nih theih dan tur sawiho a ni a. RKS fund hman dan tur sawiho a ni bawk.