1890/2026-2027

Dt.20th August, 2026: Thingsulthliah Camp Area Branch YMA chuan an Branch huam chhung a Zirlai ti tha te lawmpuina leh mi chhuanawm te chawimawina hun an neih ah Minister Prof.Lalnilawma,Tawi bialtu MLA chu Thingsulthliah khaw tana hna a thawhthat avangin an chawimawi.

He hunah hian Prof.Lalnilawma chuan kum 2023 MLA Election Campaign laiin Candidate tin te’n bial chhung tan theihtawp kan chhuah tur thu te leh hma kan lakna tur atan a kan ruahmanna te kan aupui a, Pathian leh Mipui zarah kan han tling hlauh mai a, chumi hnuah Pathian malsawmna dawngin Chief Minister leh Party hruaitute duhsakna dawngin Minister te kan han ni ta a, bial chhung khaw tin tan mai bakah Mizoram hmasawnna atan hnathawkin, theihtawp kan chhuah a, kan hnathawh leh kan theihtawp chhuahna te Camp Area Branch YMA te’n min hmuhpui a, min hriatpui hi ka lawm takzet a, Mizoram tan leh ka bial chhung khaw tin tan theihtawp ka chhuah zel dawn a ni, a ti.

Minister Prof.Lalnilawma chuan YMA pawimawhzia sawiin, Mizoramah hian YMA hi awm lo tura sungtuah ngam chi pawh a ni lo. YMA hi kan chhiat lai ber pawha min tuamhlawm tu leh min tanpuitu a ni a, kan khawtlang nun siamthatna kawngah hrang hrang ah theihtawp chhuah tlat thin tu a ni, a ti. Prof.Lalnilawma chuan Zirlai chawimawi te leh YMA member te fuihna thu sawiin, an thil tih apiangah theihtawp chhuah a tul zia te, taimakna leh tumruhna te hi hlawhtlinna bul a nih zia a sawi bawk a ni.

Hemi hun a Zirlai Pass chawimawi te chu:

HSLC - 13
HSSLC - 9
BA - 3
B.Com - 1
B.Sc - 1
BBA - 1
MA - 1
M.Sc - 1
NEET - 1

Sawrkar hnathawk chawimawi:

H. Laldingliani d/o H. Lalthanga(L) Exice & Narcotics Department Kolasib a post mek a ni a.

Governor's Gold Medalist (hnathawk ṭha chawimawina) a dawn avangin.

He hun hi Thingsulthliah Camp Area Branch YMA Hall ah neih niin, Camp Area Branch YMA President Pu.R.Malsawmtluanga chuan a kaihruai a ni.