2697/2026-2027

Dated Khawzawl, the 15th October, 2026 : Vawiin khan Khawzawl District huamchhunga Village Council-te tan dan lova lung leh balu lâk chungchang leh VC te mawhphurhna chi hrang hrang inzirtirna, DC Conference Hall-ah Pu K. Zorammuana, Addl. DC, Khawzawl kaihhruaiin neih a ni.

He hunah hian Er. Lalremmawia, Jt Director, Geology & Mining leh Pu Malsawmdawngliana, Sr. Geologist, Geology & Mining, Aizawl ten thupui hrang hrang hmangin training an pe a. Illegal Mining awmzia leh tih tawp a nih theih dan turte, The Mizoram Minor Minerals (Concession & Prevention of Illegal Mining) Rules, 2023-a Rule 46, hremna lekkawh theih dan te, Valid Mining Permit/Lease neite zawm turte  signboard tar tur leh a tul dangte sawiho na neih niin DMF contribution 10% pek kim a nih chuan district development atan sum a pun theih dan te, District Administration, Village Council (VC) leh Directorate of Geology & Mining (DGM) thawhhona tihchak dan turte sawiho a nih bakah zawhna leh chhanna hun hman a ni bawk a. He training ah hian Khawzawl District chhunga Village Council tin aiawh mi pahnih an tel a ni.