2696/2026-2027

Dated Khawzawl, the 15th October, 2026 : Vawiin khan Village Disaster Manangement Committee (VDMC) tan nikhat awh training, DC Conference hall-ah buatsaih niin, Pu K. Vanlalthiana, Khawzawl Bawrhsap leh Chairman, District Disasater Manangement Authority ni bawk chuan training hi a hawng a ni. He hun hi Pu K. Zorammuana, CEO, DDMA Khawzawl chuan kaihruaiin inlawmna thu leh buatsaih a nih chhante a sawi a.

Khawzawl Bawrhsap Pu K. Vanlalthiana chuan thu sawiin Mizoram chu fur ruahtui kan dawng thain chhiatna lamah pawh a tuar nasa kan ni a, khuarel chhiatna a lo thlen changa nunna chhanhim a nih theihna turin village level-a ruahmanna felfai neih a tul a tih thute leh chutianga ruahmanna fel tak siam a nih theihna tura training hi hlawk taka hmang tuin kalkhawm te chu a chah a. Khawtlang tan leh midangte tana hnawksak siam ching te hi chhiatrupna a lo thlen hian harsatna belhchhahtu an ni duh hle thin a, chhiatrupna a lo thlena, tanpuina hna thawk thei chuang silo-a, hnathawkte dip dal zawnga awm chingte pawh an awm thin chu ngaimawhawm a tih thu a sawi bawk. Mahni veng/khua a him zawkna atana ruahmanna felfai siam thei turin training chu hlawk taka hmanga midang tana malsawmna ni turin trainee-te chu a chah a ni.

He training-ah hian Powerpoint Presentation hmangin Pu R. Lalrinhlua, SDC, Khawzawl chuan Preparation of Village Disaster Management Plant (VDMP) tih thupui hmangin zirtirna a pe a, Pu Lalrammawia, LDC, DC Office in SDRF Norms and Guidelines a zirtir bawk a. He training-ah hian Khawzawl District chhunga Village Council tin aiawh pahnih theuh an tel a ni.